सिंचन क्षेत्रात वाढ करून तालुक्यातील शेतकरी समृद्ध होईल या हेतूने पूर्णा नदीच्या पात्रात अत्याधुनिक बॅरेजेस बांधण्याच्या कामाचे अंतिम सर्वेक्षण करण्यात आले. महसूल तथा ग्रामविकास राज्यमंत्री ना.अब्दुल सत्तार साहेब यांच्यासह अधिकारी व पदाधिकाऱ्यांनी सिल्लोड तालुक्यातील भवन ते केऱ्हाळा ते खोडकाईवाडी नदीपात्रात ६ की.मी. पायी चालत बॅरेजेसच्या नियोजित जागेची पाहणी केली. सदरील बॅरेजेसचे काम पूर्ण झाल्यानंतर जवळपास 33 किलोमीटरपर्यंत पाणी अडवून यातून 54 टक्के सिंचन क्षेत्रात वाढ होऊन शेतकरी आत्महत्या रोखण्यासाठी निश्चितपणे मदत होईल.
