नागरिकांमध्ये डेंग्यू, मलेरिया यासारख्या आजाराविषयी भिती निर्माण झालेली आहे. या अनुषंगाने आमदार अब्दुल सत्तार यांनी सिल्लोड येथील उपजिल्हा रुग्णालयाला भेट दिली. येथील उपाययोजना व स्वच्छतेची पाहणी करून त्यांनी रुग्णांशी सवांद सुद्धा साधला. यासोबतच खबरदारीचा उपाय म्हणून जिल्हा परिषद व उपजिल्हा रुग्णालय यांच्या सयुंक्त विद्यमाने शहरात साथरोग निर्मुलन मोहिमेचे आयोजन करण्यात आले आहे.